«Sigmaintell Consulting» analitik agentliyi televizorların istehsalı üzrə öz tədqiqatlarının nəticələrini açıqlayıb.
İlk yarımillikdə bütün dünya üzrə 107 000 000 yastı ekranlı televizor istehsal edilmişdir ki,bu ötən ilin analoji dövrü ilə müqaisədə 7,3% çoxdur.
«ICTinfo.az» «ichip.ru» resursuna istinadən bildirir ki,18,32 milyon ədəd istehsal sayı ilə «Samsung» bazarın lideridir.Bu sırada birinci olan Koreya şirkəti on istehsalçı sırasında öz satışlarını 1,5% azaltmış yeganə şirkətdir.Ancaq şirkət televizor ekranlarının ümumi sahəsi üzrə 5,5% əlavə artım əldə edib. İkinci yerdə 13,09 milyon ədədlə «LG» durur.Şirkət ötən ilin analoji dövrü ilə müqaisədə 6,3% istehsalı artırıb.
«TCL»isə 12,65 milyon televizor və +34,1% artımla üçüncü sırada durur. İlk dəfə dünyanın on televizor istehsalçıları sırasına Çinin «Xiaomi» şirkəti daxil oldu.Şirkət istehsal həcmini dörd dəfə artırmaqla inanılmaz nəticə əldə edərək 3,16 milyon ədədə televizor hazırlaya bilib.Ekspertlər smartfon istehsalında dünya istehsalçılarını narahat etməyi bacaran «Xiaomi»-nin bu sahədə də uğur əldə edəcəyini əminliklə bildirirlər.
