“Xiaomi” smartfonlarını məcburi olaraq bloklanması ilə bağlı xəbərlərə rəsmi münasibət bildirib.”ICTinfo.az” “4Pda.ru” resursuna istinadən bildirir ki,şirkət bəzi cihazlarla vidalaşdığın etiraf etdi, lakin nümayəndələrinin dediyinə görə, baş verənlər müvəqqəti bir tədbir idi və problem artıq həll edilib.
Brend nümayəndələrinin izah etdiyi kimi, şirkət gizli alqı-satqı hallarını müəyyən etmək üçün daxili araşdırma aparırdı və bəzi cihazların müəyyən vaxt bloklaması yalnız müvəqqəti bir tədbir idi. Eyni zamanda, bloklama heç bir ayrı bölgəyə qarşı olmayıb.”Xiaomi” yalnız şübhəli təchizat kanallarını müəyyən etdi və istifadəçilərin şəxsi məlumatlarını qorumaq üçün tədbirlər gördü.
Daha əvvəl Kuba, İran, Suriya və KXDR də daxil olmaqla bəzi ölkələrdən olan istifadəçilər “Xiaomi” cihazlarının uzaqdan bloklanmasından şikayətləndilər. Eyni zamanda, bu bölgələrə qarşı mümkün sanksiyalar haqqında şayiələri təkzib etdi.
