Çinin Xiaomi şirkəti Android istifadəçi interfeysinin MIUI adlı versiyasını yeni MiOS ilə əvəz etmək niyyətindədir. Bu barədə şirkət daxilindəki mənbələrə istinadən Digital Chat Station insayderi məlumat verib.
Hazırda söhbət yalnız rebrendinqdən gedir, yoxsa tamamilə yeni versiyadan getdiyi məlum deyil. Əvvəllər bildirilmişdi ki, Xiaomi-nin yeni əməliyyat qabığı smartfonlar, planşetlər, daşınan qurğular və elektrik avtomobilləri birləşdirəcək. Xiaomi şirkəti mios.cn domenini Çinin Sənaye və İnformasiya Texnologiyaları Nazirliyində qeydiyyatdan keçirib. Bəzi Çin şirkətləri artıq MiOS-un beta versiyasına çıxış əldə ediblər. 2022-ci ilin dekabrında buraxılan MIUI 14, qabığın ən son versiyası olacaq; ümumilikdə 564 milyondan çox insan MIUI qabığından istifadə edir.
