“Google” “Android” oyunlarını kompüterlərə əlavə etdiyini açıqladı. Bu barədə SamMobile məlumat yayıb.Korporasiya mobil oyunların Play Games mağazası vasitəsilə əlçatan olduğunu bildirib. Mağazaya daxil olmaq üçün istifadəçi Windows 11-in cari versiyasını quraşdırmalıdır. Əvvəllər layihə beta testində idi.
Google həmçinin qeyd edib ki, smartfonlardan fərdi kompüterlərə 3000-ə yaxın oyun idxal edilib. Kataloqda Asphalt 9: Legends, BADLAND, Clash Of Clans və Clash Royale kimi məşhur başlıqlar var. Bütün oyunlar kateqoriyalara bölünür.
Kompüterlərdə görünən oyunlar konsollar üçün kontrollerlərin – PS5 DualSense, Xbox One, Xbox Series S və Xbox Series X üçün gamepadların qoşulmasını dəstəkləyir. Bəzi başlıqlar 4K təsvir ölçüsündə də işlədilə bilər.
SamMobile müəllifləri qeyd ediblər ki, “Bu yeni funksiyalarla Google daha çox platformada Android oyunlarının əlçatanlığını genişləndirməyə ciddi yanaşır”.
Oktyabrın əvvəlində Çinin Lenovo şirkəti Windows əvəzinə Android əməliyyat sistemi ilə işləyən ucuz kompüterlər seriyasını buraxdı. Təqdim olunan qurğular seriyası korporativ istifadə üçün nəzərdə tutulub.
