AdDuplex analitik agentliyi dünyada «Windows» əməliyyat sistemi ilə işləyən neçə kompüter və noutbukun artıq «Windows 11»-ə keçirildiyinui müəyyən edib. Təhlil üçün ekspertlər «Microsoft Store» mağazasından əldə etdikləri öz statistikalarından istifadə ediblər.
Məlum olduğu kimi, «Microsoft»-un ən son ƏS-i artıq kompüterlərin 5%-dən çoxunda quraşdırılıb. Onların 4,8%-i «Windows 11»-in stabil versiyasından (build 22000), 0,3%-i isə insayder versiyalarından istifadə edir.
İstifadəçilər arasında ən populyar versiya kompüterlərin 37,6%-də quraşdırılmış «Windows 10 21H1» versiyası olaraq qalır. İkinci sıra «Windows 10» Oktyabr 2020 Yeniləməsinin buraxılışına aiddir (34%). 2020-ci ilin may toplantısı quraşdırmaların 14,1%-i ilə ilk üçlüyü bağlayır. Eyni zamanda, təxminən 9% «Windows 10»-un 2019-cu ildə və daha əvvəl buraxılmış versiyalarından istifadə edir.
AdDuplex mütəxəssisləri qeyd edirlər ki, «Windows 11» istifadəçilərin artımında yaxşı dinamika nümayiş etdirir, çünki «Microsoft» yeniləməni məcburi etməyib. Bundan əlavə, yeni ƏS-də bir sıra hardware məhdudiyyətləri var ki, bu da onun quraşdırıla biləcəyi fərdi kompüterlərin diapazonunu daraldıb.
