“Windows 10X” əməliyyat sistemində kompüterin kamerasının işə salındığı barədə xəbərdarlıq edən təhlükəsizlik indikatoru istifadəyə veriləcək.”ICTinfo.az” “lenta.ru” saytına istinadən yazır ki, Qustav Mons “Microsoft”un əməliyyat sisteminin beta-versiyasını araşdırıb. ƏS-nin panelində üzərində kamera piktoqramının təsviri olan indikator mütəxəssisin diqqətini cəlb edib. Onun sözlərinə görə, istifadəçi öz kompüterində veb-kameranı işə salarkən bu indikator işıq saçacaq.Tərtibatçı bildirib ki, “10x” əməliyyat sisteminin yeni funksiyası istifadəçilərin şəxsi informasiyanı icazəsiz girişdən qorumağa imkan verəcək. Virusa yoluxmuş proqramlar kameranı kompüter sahibindən xəbərsiz işə sala və müəyyən şəxsi məlumatları (video və səs) ələ keçirə bilərlər.
Müəllif bu yeniliyə görə “Microsoft”u tərifləyib və əməliyyat sistemində işə salınmış mikrofon barədə xəbərdarlıq edən oxşar funksiyanın istifadəyə verilməsini təklif edib. Bu yenilik artıq smartfonlarda istifadə olunur. Məsələn, “iOS 14” sistemində kamera və mikrofondan istifadə zamanı sistem “iPhone”nun ekranındakı rəngli nöqtələr vasitəsi ilə istifadəçini xəbərdar edir.
