“Broadcom” şirkəti ilin əvvəlində “Wi-Fi Alliance” təşkilatı tərəfindən təqdim edilmiş simsiz məlumatların ötürülməsinin yeni “Wi-Fi 6E” standartı dəstəyi ilə dünyada ilk mobil çipin buraxılışını elan etdi.O,daha az enerji sərf etməklə daha yüksək sürəti internet təmin edir.
“ICTinfo.az” “4pda.ru” resursuna istinadən bildirir ki,yeni “Broadcom BCM4389” çipi “Wi-Fi 6E” və “Bluetooth 5” dəstəyi ilə smartfonlarda istifadə üçün nəzərdə tutulmuşdur.Şirkət nümayəndələrinin sözlərinə görə, prosessor buraxılış qabiliyyətini 5 dəfə artırır, məlumatların ötürülməsində yubanmanı 2 dəfə azaldır, enerjidən 5 dəfə az istifadə edir və “Bluetooth” vasitəsilə bağlantını iki dəfə sürətləndirir.
“Wi-Fi 6” vasitəsilə smartfonlarda faktiki məlumat ötürmə sürəti 400 Mbit/saniyə təşkil etdiyi halda yeni çip və “Wi-Fi 6E” standartı 2,1 Qbit/saniyə sürətində real məlumat ötürməni təmin etməyə imkan verəcək. Bu halda məlumatların ötürülməsi zamanı yubanma 2 milli saniyə təşkil edəcək.Simsiz qulaqcıqların populyarlaşması ilə əlaqədar “Broadcom BCM4389” çipinə “Bluetooth 5” ilə yanaşı, “MIMO” radarı quraşdırılıb. İstehsalçı nümayəndələri qeyd edir ki, onun işə salınması zamanı “TWS” qulaqcıqlarının işində bütün nasazlıqlar aradan qaldırılır, eləcə də qurğuların “Bluetooth” vasitəsilə axtarış vaxtı xeyli azalır.
“Broadcom BCM4389” çipinin gələcək qabaqcıl smartfonlara quraşdırılacağı gözlənilir.
