Whelp bulud texnologiyası və süni zəka əsaslı, daha sürətli və fərdi imkanlar yaradan müştəri dəstəyi platfomasıdır. Sistemin verdiyi imkanlar sayəsində servisi təqdim edən tərəf və müştəri səsli mesaj, e-mail, canlı çat, sms və “whatsapp” üzərindən istənilən anda birbaşa və səmərəli şəkildə əlaqə yarada bilir. Bu da öz növbəsində müştəri xidmətinin keyfiyyətinə və sürətinə müsbət təsir göstərir.
“TechStars” kimi dünyada məşhur və aparıcı akseleratora qəbul olunması “Whelp” komandasına gələcəkdə böyük investisiyalar əldə etmək və Kanadada startaplarını inkişaf etdirmək imkanını qazandırır. Vurğulamaq yerinə düşərdi ki, startapın 3 milyon $ bazar dəyəri mövcuddur.
“Kanadada TechStars Akselerasiya proqramına seçilməyimiz bizi hədsiz sevindirir və həm də qarşımızda böyük məsuliyyət yaradır. Uğurumuz Azərbaycan startaplarının qlobal səviyyədə rəqabətədavamlılığından xəbər verir. Ümid varam ki, komandamız bu ilk beynəlxalq uğurundan bəhrələnərək Kanada və digər qonşu dövlətlərdə öz fəaliyyətini genişləndirə biləcəkdir.”, – Seymur Rəsulov, “Whelp”in təsisçisi.Qeyd edək ki, akselerasiya proqramı qalib startaplara 13 həftə boyu mentor və maliyyə dəstəyi göstərərək onların qlobal ekosistemə çıxışını təmin edir.
İnnovasiyalar Agentliyi adından “Whelp” komandasını bu uğur münasibəti ilə təbrik edir və onlara gələcəkdə yeni naliyyətlər diləyirik.
