“WABetaInfo” insayder resursunda populyar messencerin mobil versiyasında tətbiq ediləcək yeniliklər haqqında məlumatlar yerləşdirilib.Dəyişikliklər həm səsli zəng interfeysinə,həm də istifadəçiləri sosial şəbəkə funksiyalarından birini əldə edəcək qrup çatlarında olacaq.Mənbənin sözlərinə görə,”WhatsApp” zəng ekranının yenilənmiş interfeysi (sağdakı skrinşotda) smartfonun displey sahəsindən daha rasional istifadə edir.Düymələrin alt sırası dəyişməz qalacaq, ekranın yuxarı hissəsində kontaktın adı və nömrəsi zəng taymeri ilə birlikdə mərkəzə yaxınlaşacaq, həmçinin ağ şrifti daha nəzərə çarpan yaşıl rəngə dəyişəcək.
Bundan əlavə, messencer “Facebook” sosial şəbəkəsi kimi qrup çatlarında mesajlara reaksiyalar buraxa biləcək. Digər bir yenilik isə qrup administratoru tərəfindən fərdi mesajların silinməsi funksiyası olacaq. Silinmiş mətnin yerində müvafiq bildiriş görünəcək.
Yuxarıda təqdim olunan skrinşotlar “iPhone”-da çəkilib, lakin mənbə əmin edir ki, müəyyən edilmiş imkanlara malik yenilənmiş messencer “Android” cihazlarında da əlçatan olacaq. Ehtimallara görə, “WhatsApp” üçün “Zənglər” bölməsinin yenilənmiş interfeysli messencerin buraxılış versiyasının buraxılması bir neçə həftədən bir neçə aya qədər vaxt apara bilər.
