“WhatsApp” istifadəçilərin “Onlayn” statusunu gizlədə biləcəyi “görünməzlik” funksiyasını sınaqdan keçirirlər.
Yenilik “WhatsApp”-ın “Android”,”iOS” və PC üçün beta versiyasının gələcək yeniləməsində görünəcək. Bu barədə WABetaInfo məlumat yayıb.
Hələ ki, funksiya təkmilləşdirmə mərhələsindədir, yəni hələ beta testerlər üçün əlçatan deyil, ona görə də adi messencer istifadəçiləri mütləq yaxın gələcəkdə bunu gözləməməlidirlər.
Yenilik istifadəçinin hazırda açıq olan tətbiqini kimin görə biləcəyini seçməyə imkan verəcək. Yuxarıdakı ekran görüntüsünə əsasən, messencer parametrlərində seçimi aktivləşdirmək mümkün olacaq.
Daha əvvəl məlum olmuşdu ki,”WhatsApp” 2022-ci ilin oktyabrında milyonlarla “iPhone”-da fəaliyyətini dayandıracaq. Məşhur messencer artıq “iOS 10” və “iOS 11” əməliyyat sistemlərini dəstəkləməyəcək.
