Almaniyanın “SmartDriod” portalının məlumatına görə, bəzi regionlarda kənar tərtibatçılar tərəfindən hazırlanmış “WhatsApp” messencerinin dəyişdirilmiş kliyentləri daha populyardırlar. “ICTinfo.az” “4pda.ru” resursuna istinadən bildirir ki,istifadəçilərin belə “klonlara” marağı əlavə funksiyaların mövcudluğu ilə izah edilir. Məsələn, Afrikada populyar olan “GBWhatsApp” tətbiqetməsi kontaktdan silinmiş istifadəçilərin statusuna baxmağa imkan verir. “FMWhatsApp”, “YoWhatsApp” və onlara oxşar kliyentlər bir qurğuda bir neçə hesaba daxil olmaq imkanına və ya böyük ölçülü faylların göndərilməsi dəstəyinə malikdirlər.Analitiklərin məlumatına görə, Nigeriya, Keniya və Cənubi Afrikada belə mobil proqramlar orijinal “WhatsApp” messencerindən daha populyardırlar. “Facebook” tərəfindən belə proqramlar seqmentinə nəzarət cəhdləri praktik olaraq uğursuzdur: həmin proqramların bloklanmasından sonra tərtibatçılar kliyentlərin yeni versiyalarını başqa ad altında çıxarırlar.
