“WhatsApp” messenceri istifadəçilərin telefon nömrələri bazasını “Facebook” sosial şəbəkəsinə verməyə hazırlaşır.“Telegraph” nəşrinin yaydığı xəbərə görə, messencerin yeni gizlilik siyasətinə əsasən “WhatsApp” və “Facebook” akkauntlarını indi ilk qoşulmada birləşdirmək mümkündür. Bununla sosial şəbəkə telefon nömrələri bazasındakı şəxslərin dostlar sırasına dəvət olunmasını təklif edəcək.“Biz “Facebook”la qarşılıqlı əlaqəni gücləndirməklə daha dəqiq bilgilərə malik ola, insanların messencerdən necə istifadə etməsinə bələd ola və spamla daha yaxşı mübarizə apara bilərik”, – deyə şirkətin açıqlamasında bildirilir.
“Facebook”dan qeyd ediblər ki, telefon nömrələri açıqlanmayacaq və profillərdə göstərilməyəcək.
Qeyd edək ki, 2014-cü ildə “Facebook” “WhatsApp” messencerini 19 milyard dollara satın alıb.
