“Armorblox” İT şirkəti populyar messencerdə səsli mesajlaşma funksiyası kimi maskalanan yeni fişinq kampaniyası haqqında məlumat yayaıb.Onun köməyi ilə fırıldaqçılar pul kisələrindən parolları və hətta kompüterdə saxlanılan faylları oğurlamaq üçün zərərli proqram quraşdırırlar.
İstifadəçi kompüterləri poçt siyahılarından istifadə edərək sındırılır. Messencerin dəstək xidmətinin rəsmi bildirişi kimi maskalanan mesaj istifadəçini “səsli mesaj” oxumağa sövq edir – keçidə kliklədikdə qurban kompüteri JS/Kryptic virusu ilə yoluxduran fişinq saytına yönləndirilir.
İstifadəçini zərərli proqram yükləməyə “inandırmaq” üçün təcavüzkarlar hətta məşhur “Robot olmadığınızı təsdiqləyin” başlığı ilə captcha formasını təqlid edirlər. Ekrandakı düyməni basdıqdan sonra brauzer sizi “kompüterinizi optimallaşdırmaq üçün faydalı proqram” adı altında virus quraşdırmağı təklif edəcək və həmçinin müxtəlif resurslar üçün reklamların nümayişi üçün skriptlər yükləyəcək.
“Armorblox”un nümayəndələri qeyd edirlər ki, xəbər bülleteni müəlliflərinin “WhatsApp” tərtibatçıları ilə heç bir əlaqəsi yoxdur. Bundan əlavə, messencerdə səsli mesajlar avtomatik yüklənir, ona görə də şirkət heç vaxt istifadəçiyə e-poçt vasitəsilə audionun alınması barədə məlumat verməyəcək. Nəhayət, fişinq e-poçtunda diqqətli istifadəçini xəbərdar etməli olan WhatsApp loqosu yoxdur.
