“WhatsApp” messencerinin komandası “birdəfəlik” mesajların baxıldıqdan sonra avtomatik olaraq yoxa çıxması funksiyasını sınaqdan keçirir. Bu barədə “WABetaInfo” portalına istinadən “Durov’s Code” resursu məlumat yayıb.Bu xüsusiyyət “WhatsApp”-ın “Android” üçün 2.22.25.20 beta versiyasında görünüb.Bu cür mesajları göndərmək üçün sağ alt küncdə yerləşən kilid simvolu olan düyməni sıxmaq lazımdır. Həmçinin bildirilir ki, bu cür mətn mesajları, birdəfəlik baxmaq üçün şəkillər və videolar göndərildiyi kimi, onları yönləndirə, köçürə və ya skrinşot çəkə bilməyəcək.
Bu funksiya istifadəçi vacib məlumatı paylaşdıqda və əlavə məxfilik üçün onu dərhal alıcının telefonundan silmək istədikdə faydalı olacaq. Mətni özündən və həmsöhbətdən silməsinə ehtiyac olmayacaq, çünki mətn avtomatik olaraq məhv ediləcək.
“Durov’s Code” “WhatsApp” tərtibatçılarının gələcəkdə qruplarda telefon nömrələrini maskalamaq seçimini də əlavə etməyi planlaşdırdıqlarını bildirdi. Yəni, istifadəçilər öz məlumatlarını açıqlamadan qrupda müəyyən mesaja reaksiya nümayiş etdirmək imkanı əldə edəcəklər. Həmçinin, resursun məlumatına görə, messencer axtarışa son qrupların görünüşünü əlavə edəcək.
