Meta* bütün dünyadan olan istifadəçilərə böyük maraq qruplarına qoşulmağa imkan verəcək “WhatsApp”-da mühüm dəyişikliklər etdi. Təqdim edilmiş böyük yenilinmədə tərtibatçılar Communitiesfunksiyasını hamı üçün aktiv ediblər və videozənglər funksiyasının imkanlarını genişləndiriblər. Hamı üçün istifadəyə verilmiş “Communities” funksiyası bir növ Slackmessencerini və ya “Discord”-u xatırladır. Bu yeni funksiya sayəsində istifadəçilər “Whatsapp” daxilində bir növ “icmalar” (communities) yarada bilərlər. 
“İcmalar” ümumi fəaliyyətlə əlaqəli böyük istifadəçilər qruplarını, məsələn, bir şirkətin işçilərini və ya bir evin sakinlərini birləşdirəcək. Öz növbəsində icma administratorları elan kanalı vasitəsilə yenilikləri bütün üzvlərlə paylaşa biləcəklər. “WhatsApp”-ın daha çox məxfilik təmin edən başdan-başa mesaj şifrələmə imkanlarını nəzərə alsaq, bu, Slack və ya Discord-a böyük zərbə olardı.
Şirkət həmçinin istifadəçi ünsiyyətini yaxşılaşdırmaq üçün proqrama bəzi faydalı funksiyalar əlavə edib. Məsələn, söhbətdə sorğular mövcuddur, videozənglərdə iştirakçıların sayı 32 nəfərə çatıb və indi siz qrupa 1024 nəfərə qədər şəxs əlavə edə bilərsiniz.
