“Vivo” “Y33S 5G” təqdimatına az qalmış internetdə yeni məhsul haqqında ətraflı məlumat yayılıb.Sələfindən fərqli olaraq, qurğu beşinci nəsil mobil şəbəkələr və daha geniş diapazonlu yaddaş konfiqurasiyası üçün dəstək alacaq.Və ən əsası satış qiyməti dəyişməyəcək.
V2166A kod nömrəli smartfon artıq bir neçə tənzimləyici orqan tərəfindən sertifikatlaşdırılıb və “China Telecom” onlayn pərakəndə satış şirkətinin saytında yerləşdirilib.İlkin məlumata görə,smartfon 1600×720 piksel təsvir ölçüsünə və 20:9 nisbətinə malik 6,51 düymlük displeylə təchiz ediləcək.
Cihazın işinə “MediaTek Dimensity 700″ prosessoru cavabdeh olacaq.Onun müxtəlif versiyalarda operativ yaddaşı 4, 6 və ya 8 GB yaddaş, quraşdırılmış yaddaş bütün hallarda 128 GB olacaq. Qadcetin arxa qapağında 13 və 2 meqapiksellik sensorlar olan əsas kamera yerləşəcək və istehsalçı displeyinə 8 meqapiksellik selfi modulu daxil edəcək.
Bundan əlavə,”Vivo Y33S 5G” 5000 mAs batareya ilə, 18 vatt sürətli şarj dəstəyi və korpusun yan tərəfində barmaq izi skaneri ilə təchiz edilmişdir. Smartfonun təqdimatının fevralın 12-də baş tutacağı və onun yaddaşın həcmindən asılı olaraq 235 dollar qiymətinə satışa çıxarılacağı gözlənilir.
