Twitter sosial şəbəkəsi təsdiqlənməmiş istifadəçilərin gündəlik göndərə biləcəyi şəxsi mesajların sayını məhdudlaşdırmağa hazırlaşır. Şirkət açıqlamasında bunun platformada “spamın miqdarını azaltmaq” üçün lazım olduğunu söylədi. Eyni zamanda, Twitter Blue abunəsi üçün ödəniş etmiş istifadəçilər hələ də limitsiz sayda mesaj göndərə biləcəklər.
Hazırda sosial şəbəkə istifadəçilərinin konkret neçə şəxsi mesaj göndərə biləcəyi məlum deyil. Mövcud məlumatlara görə, bu yenilik hələ bu həftə həyata keçirilə bilər. Twitter-in rəsmi nümayəndələri hələlik bu məsələyə münasibət bildirməyiblər.
Twitter-in rəhbəri İlon Mask hələ şirkəti satın almamışdan əvvəl əməliyyatın uğurla başa çatacağı təqdirdə saytda spamla mübarizə aparmaq niyyətində olduğunu bildirib. Milyarder ötən ilin aprelində öz hesabında yazmışdı: “Spambotları məğlub edəcəyik və ya çalışaraq öləcəyik”. Sosial media spamının uzunmüddətli qiymətləndirilməsi də şirkətin satın alınmasını gecikdirdi, lakin sövdələşmə nəticədə həmin il keçdi. Aydındır ki, gündə göndərilən mesajların sayını məhdudlaşdırmaq təkcə spamla mübarizədə bir addım deyil, həm də ödənişli Twitter Blue abunəliyini təşviq etmək üçün bir vasitədir.
