«Toyota» şirkəti özünü idarə edən «ağıllı» avtomobilin son dərəcə qabaqcıl versiyasını təqdim edib.Yeni iki sükanlı robot avtomobil böyük marağa səbəb olub.
«Ictinfo.az» «hi-news.ru»-ya istinadən bildirir ki,eksperimental nümunə «Sensor System 2.0» tənzimçiləri əsasında «Toyota Research Institute» (TRI) mühəndisləri tərəfindən hazırlanıb. Yeni sistem «Platform 2.1» adını aldı.
O sedan tipli «Lexus» avtomobili bazasında yaradılıb.Süni intellektə malik kənar ötürücü və kameraların yerləşdiyi avtomobil damına xüsusi “Luminar LIDAR” ətraf lazer skaneri əlavə edilib. Lazer yüksək təsir məsafəsinə və geniş əhatə dairəsinə malikdir. Yeni elementin fərqləndirici cəhəti ondan ibarətdir ki, o, əhatə dairəsini daraltma və təsvir ölçüsünü artırma rejimini dəstəkləyir. “Luminar LIDAR” yalnız maraq doğuran sahəni daha effektiv skan etməklə idarəetmənin etibarlığını artıracaq.
TRI mühəndislərinin sözlərinə görə,hər iki sürücü yeri həm ayrıca, həm də bir-birini təkrarlayan rejimdə işləyə bilir.Yəni avtomobildə iki sürücü sükanının olması insana idarə etməni robota ötürülməsini təmin edəcək.Yolda fövqəladə vəziyyətlərin yaranması vaxtı insanın müdaxiləsi olmadan keçinmək faydalı olacaq. Bundan başqa, yeni idarə etmə sistemi maşın təlimi alqoritmləri əsasında yaxşı sürücülərdə üstünlükləri yadda saxlayaraq bu bilikləri yeni sürücülərə vermək üstünlüyü də olacaq.
Bundan başqa, «Platform 2.1» «Guardian» funksiyasını aldı.O, sürücünün hərəkətlərini izləyir və yolda təhlükəli vəziyyət olduqda, yol-nəqliyyat hadisəsinin qarşısını almaq üçün bütün idarəetməni öz üzərinə götürür. Həmçinin «Guardian» sürücünü izləyərək onun sürüş və emosional vəziyyətin qiymətləndirir. Əgər insan yuxulu və ya sərxoş vəziyyətdədirsə sistem sadəcə idarə etməni bloklayır.
