“Reuters” xəbər agentliyinin məlumatına görə,”TikTok” istifadəçilərin yaşını qiymətləndirmək və bu əsasda mövzulara girişi məhdudlaşdırmaq yolları üzərində işləyir. Video xidmətin səyləri platformanın gənc istifadəçiləri üçün böyüklər üçün məzmuna çıxışın qarşısını almağa yönəlib.
Son illərdə, xüsusən də yeniyetmələr arasında populyarlığı artan “TikTok”, yeniyetmə istifadəçilərin sahib olduğu hesablar üçün böyüklər üçün məzmuna girişin necə məhdudlaşdırıla biləcəyini müəyyən etməyə çalışdığını söylədi. Çin texnoloji nəhəngi “ByteDance”-ə məxsus videoservis filmlər və video oyunlar üçün istifadə olunan məzmun reytinqi standartlarına əsaslandığını deyir.Şirkət bildirir ki, o, yaradıcıların məzmun üçün yaş reytinqi təyin etmək qabiliyyətini sınaqdan keçirir.
Sosial media platformaları bu yaxınlarda gənc istifadəçilərin rifahını və təhlükəsizliyini təmin etmək üçün öz yanaşmalarına görə diqqət mərkəzində olub.”Facebook” və “Instagram”-ın ana şirkəti olan “Meta Instagram”-ın uşaqlar üçün versiyasını təqdim etmək niyyətinə görə ABŞ qanunvericiləri tərəfindən tənqid atəşinə tutulub.
Xatırladaq ki, ötən il İnstaqramın yeniyetmələrin psixikasına mənfi təsirini üzə çıxaran Facebook araşdırmalarına işıq salan sənədlərin internetə sızmasından sonra qalmaqal yaranmışdı.
Daha əvvəl yeniyetmələrdə yemək pozğunluğunu təbliğ edən məzmuna görə tənqid edilən “TikTok” bu cür videolara qarşı daha diqqətli olacağını və onları platformadan çıxaracağını bildirib.
