Populyar “TikTok” sosial şəbəkəsində avtomatik yaradılan subtitrləri göstərmək funksiyası istənilən videoda aktivləşdirilə bilər. İstifadəçinin eşitmə problemləri varsa və ya səs-küylü mühitdə olarsa,bu ona çox kömək edə bilər.
Hazırda Çin, İngilis, Alman, İndoneziya, İtalyan, Koreya, Portuqal, İspan və Türk daxil olmaqla, yalnız bir neçə dil dəstəklənir.
Rus dilinin dəstəklənməsi perspektivləri hələ dəqiqləşdirilməyib – sosial şəbəkə Rusiyada bir sıra məhdudiyyətlərlə fəaliyyət göstərir.
Qeyd etmək lazımdır ki, oxşar YouTube Shorts xidmətində rusca subtitrlərə dəstək artıq mövcuddur, həmçinin videoları ən azı rus dilindən ingilis dilinə və ingilis dilindən bir çox başqa dillərə, o cümlədən rus dilinə avtomatik tərcümə etmək imkanı var.
