Telegram-ın Premium abunəsi olmayan istifadəçilər faylları endirərkən nəzərəçarpacaq sürət həddi ilə qarşılaşacaqlar.
Müvafiq məlumat Swiftgram Telegram kanalı tərəfindən dərc edilib. Mənbənin sözlərinə görə, müəyyən miqdarda məlumatı aşdıqdan sonra faylların yüklənmə sürəti nəzərəçarpacaq dərəcədə azalacaq. Telegram Premium abunəliyiniz varsa, bu məhdudiyyət avtomatik olaraq qaldırılacaq.
Sürəti “kəsəcək” dəqiq məlumat limiti barədə məlumat verilmir. Təsdiqlənməmiş məlumata görə, 10 Mbit/s limiti 60 dəqiqə ərzində tətbiq olunacaq.Telegram nümayəndələri hələlik bu məsələ ilə bağlı rəsmi açıqlama verməyiblər.
