Baku Crystal Hall və Dənizkənarı Milli Park 4 gün boyunca festivalı canlı izləmək istəyən ziyarətçilərə misilsiz zəngin proqram və nəfəs kəsən müsabiqələr vəd edir!
26-29 may tarixlərində Bakıda keçiriləcək regionun ən böyük tədbiri olan “TEKNOFEST Azərbaycan” – Aerokosmik və Aviasiya festivalında ziyarətçi olaraq iştirak etmək istəyən vətəndaşlar üçün qeydiyyat prosesinə başlanılır.
26-29 may tarixlərində Bakıda keçiriləcək regionun ən böyük tədbiri olan “TEKNOFEST Azərbaycan” – Aerokosmik və Aviasiya festivalında ziyarətçi olaraq iştirak etmək istəyən vətəndaşlar üçün qeydiyyat prosesinə başlanılır.
Festivalda iştirak etmək istəyən şəxslər iticket.az elektron səhifəsi üzərindən qeydiyyat prosesindən keçərək bilet əldə edə biləcəklər.
Qeyd edək ki, festivala giriş biletinin əldə olunması hər bir Azərbaycan vətəndaşı üçün əlçatan və ödənişsizdir.
4 gün boyunca davam edəcək festivalda bir şəsxiyyət vəsiqəsi ilə yalnız bir bilet əldə etmək mümkün olacaq. Ziyarətçilər əldə etdiyi biletin üzərində qeyd olunmuş tarixdə festivala giriş imkanı əldə edəcəklər.
Bununla yanaşı, festivalın açıq ərazisində təşkil olunan sərgi və pavilyonlara baş çəkmək üçün ziyarətçilərdən COVİD-19 sertifikatı tələb olunmur. Qapalı məkanlarda keçirilən tədbirləri canlı izləmək üçün isə mütləq qaydada COVİD-19 və immunitet sertifikatı təqdim edilməlidir.
Festivalda 5 yaşından yuxarı uşaqların iştirakına icazə verilir.
7 yaşdan yuxarı olan uşaqlara isə festivala giriş üçün bilet tələb olunacaq. Festivalı ziyarət etmək istəyən əcnəbi vətəndaşlar da yuxarıda qeyd olunan qeydiyyat prosesi və müvafiq qaydalar üzrə ödənişsiz bilet əldə edə biləcəklər.
Əlavə məlumat əldə etmək üçün:
+994 12 493 33 77 Iticket.az dəstək xidməti
office@teknofest.az
teknofest.az
