Bu günə qədər ən qabaqcıl 3 nanometrlik proses texnologiyasına uyğun olaraq hazırlanmış yeni nəsil çiplər “TSMC” tərəfindən istehsal edilmişdir. Tayvan şirkəti bu cür komponentlərin kütləvi istehsalına Cənubi Koreyalı rəqibi “Samsung”-dan bir neçə ay gec başlayıb.
Proses texnologiyası çipdə tranzistorların sıxlığını (nanometrlərin sayı = məntiq elementləri arasındakı məsafə) və nəticədə onun işini və enerji səmərəliliyini müəyyən edir. Bloomberg-in TSMC-yə istinadla verdiyi məlumata görə,3nm çiplər 5nm olanlardan 35% az enerji sərf edir.
Növbəti nəsil prosessorlar gələn il buraxılması planlaşdırılan müxtəlif cihazlarda, o cümlədən şayiələr yayılan yeni “iPhone 15”-də,həmçinin serverlərdə və superkompüterlərdə istifadə olunacaq.Gələcəkdə “TSMC” 2 nm proses texnologiyasından istifadə edərək çiplər istehsalına başlamağa söz verdi.
Hazırda “Samsung”-un vəziyyəti dəyişmək cəhdlərinə baxmayaraq, ən yüksək texnologiyalı prosessorların dünya istehsalının təxminən 90%-i Tayvanın payına düşür. Bu, Tayvan ətrafında davam edən geosiyasi gərginlik və Pekini qabaqcıl çiplərə girişdən məhrum etmək üçün nəzərdə tutulmuş ABŞ-ın Çinə sanksiyalar təzyiqi səbəbindən cihaz istehsalçıları üçün olduqca narahatdır.
“TSMC” Tayvandan kənarda yeni istehsal müəssisələri yaratmaqla problemi qismən həll etməyə çalışır – əslində müstəqil, lakin dünyanın əksər ölkələri tərəfindən Çinin bir hissəsi kimi tanınır. 2024-cü ildə “TSMC”-nin 4nm prosessor xətti Arizonada fəaliyyətə başlayacaq və iki ildən sonra isə ABŞ-dakı başqa bir şirkətin zavodunda 3nm komponentlərin istehsalına başlanılması planlaşdırılır.