“Android”-in son versiyasının buraxılışından bir neçə ay keçir.Ancaq bu yaxınlarda dərc edilmiş statistika göstərir ki,istifadəçilər yeni versiyaya keçməyə tələsmir.
Alternativ tətbiqlər mağazası Uptodown (130 milyondan çox istifadəçi) məlumatlarına görə, rəqəmsal platformaya gələnlərin yalnız 2,6%-i “Android 12”-ə keçib. Ən son ƏS “Android 8.1 Oreo” (11%), “Android 9 Pie” (11,5%) və “Android 10” (25,2%)-a uduzaraq mikroproqramların reytinqində yalnız beşinci yeri tutub. Bazarda istifadəçilər arasında aparılan sorğunun nəticələrinə görə, qurğuların 29,5%-də quraşdırılmış “Android 11”-in ötənilki quruluşu lider olub.
Bundan əlavə, mağaza ziyarətçilərinin istifadə etdiyi smartfon markalarının populyarlığının reytinqini dərc edib. Birinci yeri 31,62 faizlə Samsung, ikinci və üçüncü yeri Xiaomi və HUAWEI (müvafiq olaraq 16,31 faiz və 11,07 faiz) tutub. İlk 5-liyi tamamlayan OPPO (5,17%) və vivo (4,35%) cihazlarıdır.
“Google” bu yaxınlarda rəsmi olaraq illik I/O konfransının tarixini elan etdi və bu konfrans zamanı şirkət yeni mobil əməliyyat sistemlərini elan etdi.”Android 13″-ün təqdimatı bu il mayın 11-dən 12-dək keçiriləcək.
