“SpaceX” şirkəti Kanaveral burnundan (ABŞ, Florida) göyərtəsində 56 “Starlink” peyki olan “Falcon “9 raketini buraxıb. Buraxılış mayın 4-də Şərqi Sahil vaxtı ilə saat 3:31-də (Bakı vaxtı ilə 10:31) həyata keçirilib.
Təxminən 8,5 dəqiqə sonra “Falcon 9”-un birinci mərhələsi Florida sahillərində Atlantik okeanında A Shortfall of Gravitas üzən platformasına enərək Yerə qayıtdı. SpaceX, bunun bu gücləndirici üçün yeddinci buraxılış və geri dönüş olduğunu aydınlaşdırdı. Yuxarı mərhələ hərəkətə davam etdi – plana əsasən, orbitə buraxıldıqdan 65 dəqiqə sonra 56 peyk aşağı Yer orbitində yerləşdirilməli idi və şirkət onların uğurlu buraxılışını təsdiqlədi.
Bu günə qədər SpaceX genişzolaqlı internetə çıxışı təmin etmək üçün nəzərdə tutulmuş 4300-dən çox “Starlink” peykini orbitə çıxarıb və onların böyük əksəriyyəti uğurla fəaliyyətini davam etdirir. Bugünkü buraxılış “SpaceX”-in bu il 29-cu, “Falcon 9” raketindən istifadə edən 27-ci orbital missiyası olub.Digər ikisi isə Falcon Heavy-dən istifadə edib.
Bundan əlavə, aprelin 20-də şirkət “Starship” kosmik gəmisini buraxmağa cəhd edib – o, orbitə çıxmamalı idi və uğursuzluq nəticəsində operatorlar buraxılışdan təxminən dörd dəqiqə sonra özünü məhv etmək əmrini verməli olublar.
