“Sony” şirkəti “CES 2022” istehlak elektronikası sərgisinin bir hissəsi olaraq “Vision-S 02” elektrik avtomobili konseptini nümayiş etdirdi.
“Sony” şirkəti “Sony Mobility Inc” tərəfindən idarə olunan avtomobillər istehsal etməyi planlaşdırır. Əslində, yapon brendi 2020-ci ilin dekabr ayından etibarən avtomobillərini Avropanın ictimai yollarında sınaqdan keçirir.
Yeni konseptual elektrik avtomobili içəridə və xaricdə sensorlarla doludur. O, CMOS təsvir sensorları və avtopilot üçün cavabdeh olan LiDAR skanerləri ilə təchiz olunub.
Salon sürücünün autentifikasiyası və naviqasiya jestləri üçün ToF sensorları alıb. Bundan əlavə, elektromobil səsli əmrlərdən istifadə etməklə idarə oluna bilər.
“5G” şəbəkələrinə qoşulma imkanı sayəsində avtomobil daim əlaqə saxlaya, proqram təminatını yeniləyə və müxtəlif əməliyyatları uzaqdan yerinə yetirə biləcək.
“Vision-S 02” konsept-kar olsa da, çox güman ki, “Sony” yaxın bir neçə ildə elektromobillərin kütləvi istehsalına başlayacaq.
