Yaponiyanın “Sony” şirkəti “PlayStation 5” konsolunun yeni versiyalarını təqdim etməyə hazırlaşır – “PS5 Slim” 2023-cü ilin sonunda 399 dollara satışa çıxarılacaq və gələn il şirkət daha güclü PS5 Pro buraxmağı planlaşdırır. Bu, Microsoft və ABŞ Federal Ticarət Komissiyası arasında məhkəmə çəkişməsi çərçivəsində dərc olunan sənədlərdən məlum olub.
“Sony”-nin “PlayStation 5”-in yeni versiyalarını buraxmağı planlaşdırdığı barədə daha əvvəl insayder Tom Henderson məlumat vermişdi. Onun sözlərinə görə, 2023-cü ilin sentyabrında çıxarıla bilən diskli “PlayStation 5” buraxıla bilər, 2024-cü ildə isə daha güclü “PlayStation 5 Pro” satış rəflərində peyda olacaq. Bundan əvvəl “Xbox” bölməsinin rəhbəri Fil Spenser “Xbox” konsollarının yenilənməsinə ehtiyac görmədiyini bildirmişdi.
“Sony” oyun avadanlıqlarının istehsalını artırmağa davam edir: 2023-cü ilin may ayında şirkət PlayStation 5 üçün Project Q adlı yeni aksessuarı, xüsusi PS5-dən oyunları yayımlamaq üçün nəzərdə tutulmuş portativ cihaz təqdim etdi. “Bloomberg”in məlumatına görə, 2023-cü ilin fevralında buraxılan “PlayStation” “VR2” virtual reallıq dəbilqəsinin satışı gözləntiləri doğrultmadı.
