Bir zamanlar “Snapchat”, digər sosial şəbəkələrin müxtəlif dərəcədə müvəffəqiyyətlə qəbul etdiyi yoxa çıxan foto və videoların,hekayələr formatını tətbiq etdi.Görünür, indi bu format köhnəlir və onun yerini “TikTok”-un qısa videoları tutur.”Meta” bununla razılaşır.
Rüblük maliyyə nəticələrinin müzakirəsi zamanı “Snap”-ın baş icraçı direktoru Evan Şpigel bildirib ki,”Snapchat” istifadəçiləri hekayələrə getdikcə daha az vaxt sərf edirlər. Şirkət karantin məhdudiyyətləri qaldırıldıqdan sonra bu formata marağın qayıdacağına ümid edirdi, lakin bunun əvəzinə insanlar “Snapchat”-da bir növ “TikTok” klonu olan “Spotlight” bölməsinə daha çox müraciət etməyə başladılar.
“Meta”-nın rəhbəri Mark Zukerberq rüblük hesabat zamanı Çin sosial şəbəkəsini də xatırladıb: “İnsanların boş vaxtlarını necə keçirmək üçün bir çox variantları var və TikTok kimi proqramlar çox inkişaf edir”
“Facebook”,”Instagram” və “WhatsApp”-a sahib olan “Meta”, dördüncü rübdə yaxşı performans göstərmədi,”Snap” isə adekvat performans göstərərək, səhmləri yüksəltdi. Bununla belə, biznes modelləri və nəticələrindəki fərqlərə baxmayaraq, hər iki oyunçu “TikTok”-a ciddi rəqib kimi baxdıqlarını etiraf etdilər. Şirkətlər artıq aktiv şəkildə köhnəlməkdə olan Stories formatından maksimum yararlandılar və indi Çin platformasının lider olması ilə özlərini tutmaq mövqeyindədirlər.
