“Samsung” yenilənmiş “Galaxy S21″ xətt smartfonlarının satışına başlayıb.Arzu edənlər yenilənmiş qabaqcıl smartfonu 300 dollara qədər endirimlə əldə edə bilərlər. Məlumat Cənubi Koreya brendinin rəsmi saytında yer alıb.
Smartfonları bərpa etmək üçün yalnız orijinal hissələrdən, o cümlədən batareyadan istifadə edilib. İl ərzində istifadəçilər zəmanətli təmir üçün müraciət edə bilərlər.”S21” xətti 2026-cı ilə qədər yeniləmələr alacaq və “Android 14” və “15”-ə yenilənəcək.
Yenilənmiş smartfonların açıq satışı aprelin 22-də başlayacaq. Öncədən sifariş edən müştərilər əsas “Samsung” aksesuarlarına xərcləmək üçün əlavə $100 endirim əldə edəcəklər.
Yeni məhsul xətti istənilən istifadəçinin zövqünü oxşamaq üçün yaradılıb. Belə ki, “Galaxy S21”, nisbətən kiçik, lakin güclü işləmə qabiliyyətinə sahib olan bir smartfona ehtiyacı olanlar üçün ərsəyə gətirilib. Sözü gedən bu smartfonda 6,2 ekran, üçlü əsas kamera modulu ilə birləşərək, alıcılara tam yeni istifadə təcrübəsi bəxş edir. Sözü gedən kamera modulu, biri ultra geniş digər isə geniş bucaqlı olmaqla iki 12 MP kamera ilə təchiz olunub. Qeyd edilən iki kamera ilə yanaşı burada həm də üç qat optik “zoom”a malik 64 MP-lik telefoto obyektivi də təqdim olunub.
Bununla yanaşı, obyektivin maksimal rəqəmsal “zoom”u 30x-ə çataraq, uzaqdan çəkiliş zamanı belə inanılmaz nəticələr əldə etməyə imkan yaradır.
Məhsul xətti çərçivəsində, “Galaxy S21”dən əlavə, daha böyük 6.7 ekrana və artırılmış batareya həcminə sahib olan “Galaxy S21 +” də yer alır. Daha maraqlı içliyə malik olan smartfonlara üstünlük verənlər üçün isə “Galaxy S21 Ultra” təqdim edilir.
Belə ki, “Galaxy S21 Ultra” 6.8 düymlük “Dynamic AMOLED” 2X ekranla təchiz edilib. Bundan əlavə, “Samsung”un təqdim etdiyi bu “ağıllı ekran” özündə 120Hz yenilənmə tezliyini və “Quad HD +” icazəsini birləşdirir. Həmçinin, smartfon daha yüksək məhsuldarlıq və sərhədsiz yaradıcılığı təmin edən əlavə bir xüsusiyyəti ilə fərqlənir, belə ki, “S21 Ultra”, “Galaxy S” seriyasının “S Pen”i dəstəkləyən ilk smartfonudur.
