Gələn ildən “Samsung” şirkəti ənənəvi olaraq orta səviyyəli cihazlar kimi təsnif edilən “Galaxy A” smartfonlarda arxa kameraların sayını azaltmağı planlaşdırır. Bu barədə Cənubi Koreyanın məşhur “The Elec” nəşri məlumat yayıb.”ICTinfo.az” “4Pda.ru”yaistinadənbildiriki,şirkət çox güman ki, kifayət qədər istifadə tapan dərinlik sensorunu çıxaracaq. Bunun əvəzinə istehsalçı qalan kameraları təkmilləşdirəcək. Plana görə, 2023-cü ildən etibarən Galaxy A24, A34 və A54 modelləri yalnız üç arxa kamera ilə təchiz ediləcək.
Galaxy A24 50 meqapiksellik əsas kamera, 8 meqapiksellik ultra geniş bucaqlı modul və 5 meqapiksellik makro modul əldə edəcək. Galaxy A34 müvafiq olaraq 48, 8 və 5 meqapiksel, A54 isə 50, 5 və 5 meqapiksellik kameralar alacaq. Cari ilin modellərində dörd kameralı modullardan istifadə olunur. Onların sayının azaldılması Samsung-a xərcləri azaltmağa və əsas modullar üzərində işləməyə daha çox diqqət ayırmağa imkan verəcək. Bir çox ekspert və istifadəçilər artıq istifadə edilən sensorların sayı yarışını yararsız adlandırıblar.
Galaxy A seriyasının modelləri, digərləri ilə yanaşı, ən çox satılan Samsung smartfonlarıdır. Təkcə A seriyasının üç əsas variantı bu yaxınlarda 60 milyon illik satış təşkil edib – yüksək keyfiyyətin qorunması Samsung-a Çin rəqibləri ilə daha effektiv rəqabət aparmağa kömək edəcək.
Keçən il şirkət “Galaxy A” seriyasına optik təsvir sabitləşdirmə tətbiq etməyə başladı və belə smartfonları alıcılar üçün daha cəlbedici etdi. İndiyə qədər olan məlumatlara görə, Galaxy A34 gələn ilin mart ayında satışa çıxarılacaq və aprel ayında Galaxy A54 də qlobal pərakəndə satışa çıxmalıdır.
