“Samsung” şirkətinin “Galaxy S9” və “Galaxy S9 Plus” smartfonlarının gələn ay Barselonada keçiriləcək “Mobile World Congress 2018”-də təqdim ediləcəyini gözlədiyimiz bir vaxtda artıq Çinin “Weibo” sosial şəbəkəsində onlardan birinin gizli şəkilləri yayılıb. Kameranın obyektivinə tərəflərin 18:9 nisbətiylə ikiqat kamerayla və əyilmiş ekranla “Galaxy S9 Plus” versiya düşdü.
“ICTinfo.az” “4pda.ru”-ya istinadən bildirir ki,ilk baxışdan “Galaxy S9” və “Galaxy S9+” smartfonlarının dizaynının əvvəlki modellərlə müqayisədə dəyişməz qaldığı görünür. Ehtimal olunur ki,smartfonun ekranları da dəyişməz qalacaq – bükük haşiyəli 5,8 və 6,2 düym diaqonallı çərçivəsiz “Super AMOLED” displeylər.
Bildirilir ki, “Galaxy S9” və “Galaxy S9+” 10 nanometrlik “Qualcomm Snapdragon 845” prosessoru bazasında ilk və bir müddət yeganə smartfonlar olacaq. Yeni çipdən ABŞ bazarı üçün nəzərdə tutulan “Galaxy S9” modellərində istifadə ediləcək, digər regionlar üçün smartfonun əsasını 10 nanometrlik “Samsung Exynos 9810” platforması təşkil edəcək.
“Galaxy S9+” versiyasının böyük ekranla yanaşı, “Galaxy S9”-da quraşdırılan 4 giqabayta nisbətdə iritutumlu – 6 giqabaytlıq operativ yaddaş, eləcə də “Galaxy Note 8” modelində olduğu kimi, qoşa kamera ilə təchiz ediləcəyi gözlənilir. Bundan başqa, modellər 64 giqabaytlıq quraşdırılmış yaddaş, “microSD” kartları üçün slot və 3,5 millimetrlik çıxışla təchiz olunacaq. Həmçinin “AKG” stereodinamikləri qeyd edilir.
Tək və ya qoşa kameradan asılı olmayaraq hər iki smartfonun arxa panel elementləri barmaq izi skaneri kamera modulu altında olmaqla vertikal şəkilli olacaq.
İstisna edilmir ki, bu qurğu erkən prototip olmaqla Çin istehsalçılarından “Galaxy S9 Plus”-un olduqca keyfiyyətli klonlarından biridir.
