“Samsung Galaxy A24” yeni smartfonun rəsmi buraxılışın elan etdi. Qurğu Cənubi Koreya brendinin bu il qalan modelləri ilə eyni dizaynda hazırlanıb və əsas xüsusiyyətlər arasında optik stabilizasiyaya malik kamera, sürətli enerji dolduran 5000 milliamper/saat tutumlu akkumulyator və uzunmüddətli proqram təminatı dəstəyi var.
“Samsung Galaxy A24” 6,5 düymlük Full HD+ Super AMOLED displeyinə malikdir və 90 Hz təzələmə tezliyi və 1000 nit pik parlaqlıq verir. Cihazın “ürəyi” 6/8 GB RAM ilə birləşdirilmiş səkkiznüvəli MediaTek Helio G99 prosessorudur. Daxili 128 GB yaddaş 1 TB-a qədər microSD istifadə edərək genişləndirilə bilər. Muxtariyyətə cavabdeh 25 Vt adapterdən 30 dəqiqə ərzində 50%-ə qədər doldurmaq imkanı olan 5000 mAs batareyadır.
Smartfon optik sabitləşdirmə sisteminə malik 50 meqapiksellik əsas kamera alıb. Həmçinin 5 meqapiksellik ultra geniş və 2 meqapiksellik makro kamera da var. Ön kameranın təsvir ölçüsü 13 meqapikseldir.
Samsung Galaxy A24 əvvəlcədən yüklənmiş Android 13 əməliyyat sistemi və One UI 5.1 istifadəçi interfeysi ilə gəlir. İstehsalçı qabaqcıl modellərdə olduğu kimi dörd əsas ƏS yeniləməsi və beş illik təhlükəsizlik dəstəyi vəd edir.
Galaxy A24 6+128GB versiyası üçün təxminən 277 dollardan başlayır, 8+128GB variantı isə 298 dollardır.
