“CES 2023” sərgisində şirkət özünün qabaqcıl ekrannı nümayiş etdirdi.Parlaqlığı əvvəlki rekordu 14% üstələyən qabaqcıl smartfonların ekranı da yeni məhsullar arasında olub.
“Samsung” smartfonları arasında maksimum parlaqlıq dəyəri “Galaxy S22 Ultra”-nın ekranında olub – 1750 nit. Yeni OLED ekranın parlaqlığı 2000 nitdir. Bu göstəricini təsdiqləmək üçün şirkət ekranı UL (Underwriters Laboratories) beynəlxalq təşkilatında sertifikatlaşdırıb. Panel həmçinin UDR (Ultra Dynamic Range) məzmununu oynatmağa qadirdir və əvvəlki modellərlə eyni enerji sərfiyyatına malikdir.
Vizual müqayisə üçün sərgidə iki eksponat yerləşdirildi: adi və yeni. Şirkət nümayəndələrinin sözlərinə görə, yeni matris nəzərəçarpacaq dərəcədə parlaq və daha real görüntü nümayiş etdirib. Yeni displey tipli ilk smartfonların tam olaraq nə vaxt təqdim ediləcəyi barədə Samsung hələ məlumat verməyib.
