“Samsung”-un hər hansı rəsm tablosunu xatırladan “The Frame” televizoru böyük maraqla qarşılanıb.Televizor adi vəziyyətdə istifadəçi tərəfindən seçilən şəkillərin reproduksiyasının öz ekranında göstərməklə digərlərindən fərqlənir.
“Ictinfo.az” “macdigger.ru”-ya istinadən bildirir ki,muzeylərlə və qalereyalarla əməkdaşlıq nəticəsində şəkillər 300-dən artıq ola bilər.Eyni zamanda Samsung Art Store kataloqu əlçatan olacaq. Fotoqalereyaları əldə etmək üçün 20 dollar ödəmək və ayda 5 dollara abunə olmaqla əldə etmək olar.”The Frame” televizorları 55 və 65 düymlük modellər olmaqla 4K Ultra HD formatındadır. 65 düymlük ekranla versiya 2800, 55 düymlük model isə 2000 dollara başa gələcək.
İşıqlanma dərəcəsinin inteqrasiya edilmiş tənzimçisinin sayəsində televizorun parlaqlığı və təsvirin rəngi avtomatik dəyişir. Hərəkət tənzimçisi otaqda heç kəs olmadıqda televizoru avtomatik söndürür və hərəktə olan kimi görüntü avtomatik bərpa olunur.
Bundan başqa, istifadəçi “My Collection”-un xüsusi kataloqda saxlanan şəxsi təsvirlərdən istifadə edə bilər.
