«Twitter»-in səhmdarlarının səsverməsi sosial şəbəkənin satışının lehinə başa çatıb. Bu o deməkdir ki, İlon Mask məhkəmədə satın almaqdan imtinasını müdafiə etməyə davam etməli olacaq. Görüş oktyabr ayına planlaşdırılıb və indi sosial şəbəkə milyarder qarşısında mühüm üstünlüyə malikdir.Hələ aprel ayında İlon Mask və «Twitter» arasında müqavilə bağlanmışdı və Mask sosial şəbəkəni 44 milyard dollara alacağını vəd etmişdi.İlon daha sonra «Twitter» rəhbərliyinin botlar və saxta hesablarla bağlı statistika təqdim etmədiyini, buna görə də müqavilədən imtina etmək qərarına gəldiyini söylədi. Bu sosial şəbəkə rəhbərliyinin xoşuna gəlməyib və milyarderi məhkəməyə verib, onu sövdələşməni tamamlamağa məcbur ediblər.
Səhmdarların səsverməsinin son nəticələri «Twitter»-ə məhkəmədə mühüm üstünlük verir. Səhmdarların razılığı əsasında hakim Maskın faktiki imtinasına baxmayaraq, onu sosial şəbəkəni almağa məcbur edə bilər. Oktyabrın 17-də beş gün ərzində məhkəmə Twitter və Maskın işinə baxacaq. Twitter-in keçmiş təhlükəsizlik rəhbəri Peter Zatko müqavilənin pozulmasının lehinə ifadə verəcək. Ona görə də Maskın hələ də qalib gəlmək şansı var.
