“Motorola” brendi özünün yeni qatlana bilən smartfonu “Razr 40 Ultra”-nı təqdim etməyə hazırlaşır və artıq onun təqdimat tarixini açıqlayıb. Məlum olub ki,cihazın təqdimatına həsr olunmuş tədbiri gözləmək çox da uzaqda deyil.
Smartfonun təqdimatı iyunun 1-də Çində baş tutacaq.”Motorola Razr 40 Ultra” böyük xarici displey və ona quraşdırılmış ikili əsas kamera ilə qapaqlı forma faktorunda hazırlanacaq.Rəsmi olaraq qadcetin texniki xüsusiyyətləri hələ açıqlanmayıb, lakin etibarlı insayderlər onları dəfələrlə dərc ediblər.
Məlumdur ki, Snapdragon 8+ Gen1 prosessoru əsasında hazırlanmış smartfon 12 GB-a qədər operativ yaddaş alacaq. Daxili və xarici displeylərin təsvir ölçüsü müvafiq olaraq 1080×2640 və 1056×1066 piksel olacaq. 33 vatt sürətli enerji doldurma texnologiyasını dəstəkləyən yeniliyin akkumulyatorunun tutumu 3640 milliamper/saat təşkil edəcək.
“Motorola Razr 40 Ultra”-nın qiyməti təqdimat günü məlum olacaq.
