Polşalı investorlar ölkəmizə səfər çərçivəsində Nəqliyyat, Rabitə və Yüksək Texnologiyalar Nazirliyinin Yüksək Texnologiyalar Parkını ziyarət ediblər.
Ziyarətin məqsədi Azərbaycandakı startaplarla tanış olmaq və investisiya imkanlarını müzakirə etmək olub.
İnvestorlarla görüşən Yüksək Texnologiyalar Parkının direktoru Tural Kərimli ölkəmizin startap ekosistemi, həyata keçirilən layihələr və gələcək perspektivlər barədə ətraflı məlumat verib. O, Azərbaycan tərəfinin startap hərəkatının və ekosistemin daha da genişləndirilməsi, eləcə də, investisiyaların cəlb olunması istiqamətində Polşa mütəxəssisləri ilə birgə işlərin görülməsinə hazır olduğunu qeyd edib.
Polşa nümayəndə heyətinin rəhbəri Staşomir Papiyernik Azərbaycan startap bazarının onlar üçün maraqlı olduğunu qeyd edib. Daha sonra qonaqlar startapçılarla görüşüb və innovativ layihələr müzakirə edilib.
