“Microsoft” və “Sony” ən azı 2028-ci ilə qədər yeni nəsil konsollar buraxmağı planlaşdırmır. Bu barədə “Video Games Chronicle” resursu hər iki şirkətin Böyük Britaniyanın Rəqabət və Bazarlar Təşkilatına (CMA) təqdim etdiyi sənədlərə istinadən məlumat verir.O, eyni zamanda “Microsoft”un video oyun istehslçısı “Activision Blizzard”-ın alınmasını araşdırır.CMA birləşmənin “Microsoft”-a “Call of Duty” xətt oyunlara sahiblik verəcəyini nəzərə alaraq, qarşıdan gələn razılaşmanın “PlayStation”-ın rəqabət qabiliyyətinə necə təsir edəcəyi ilə bağlı narahatlıqlarını ifadə etdi. “Bu təsir, çox güman ki, yeni nəsil konsolların buraxılışı zamanı, oyunçular növbəti konsolu almaq barədə qərar qəbul edərkən hiss olunacaq”-tənzimləyici bildirib.
CMA-nın narahatlığını aradan qaldırmaq üçün “Microsoft” bəyan etdi ki, gələcək nəsil konsolların buraxılmasına uzun illər keçəcək və sövdələşmənin bazar rəqabətinə təsiri ilə bağlı iddialar olduqca mübahisəlidir. Oyunçuların yeni nəsil konsol alarkən satıcıları dəyişdirə biləcəyi ehtimalını istisna etməsə də, “Microsoft” bildirib ki,yeni konsol buraxılışı təxminən səkkiz ildən bir baş verir.
“Sony” və “Microsoft” cari nəsil konsollarını, müvafiq olaraq, “PlayStation 5” və “Xbox Series X/S”-ni 2020-ci ilin Noyabr ayında istifadəyə verdiyindən növbəti nəsil “Xbox” 2028-ci ildə buraxılacaq.
“Sony” deyir ki,”Call of Duty”-in “Xbox” üçün eksklüziv olacağına dair çox real təhlükə var, “Microsoft” isə bunun üçün çox az biznes həvəsi olduğunu israr edir. Böyük Britaniyanın tənzimləyici orqanına verdiyi açıqlamada “Sony”,”Microsoft”-un “Call of Duty”-ni “PlayStation” platformasında yalnız 2027-ci ilə qədər əlçatan saxlamaq təklifini açıqladı ki, bu da həmin vaxtda buraxılacaq yeni nəsil konsolun populyarlığına təsir göstərə bilər. Yapon istehsalçısının fikrincə,”Call of Duty” və digər Activision oyunlarına girişin itirilməsi “PlayStation”-ın yeni versiyasının rəqabət qabiliyyətinə zərər verə bilər. Qeyd edək ki, “Microsoft” “Sony”-nin “Call of Duty” üçün təklif etdiyi on illik müqavilə haqqında CMA-ya verdiyi sənəddə elan etdi.
