“Nokia” smartfonlarının qeyd olunan xüsusiyyətlərindən biri müntəzəm yeniləmələrə zəmanət verilməsidir.Ancaq “Android 11″-in buraxılması uzun zaman olsa da bu adıçəkilən istehsalçının smartfonlarına gecikmə ilə oldu,çünki istehsalçı yeniləmələrin buraxılmasını özü gecikdirdi və bəzi modellər ümumiyyətlə yeniləməmək qərarına gəldi.”Nokia”-nın marketinq direktoru Stefan Taylor bunu açıqlayıb.
2021-ci ilin əvvəlində “Nokia” brendi smartfonların “Android 11”-ə yenilənməsi sürətinə görə bir il əvvəlki 4-cü mövqedən geriləyərək 10-cu yeri tutdu. Stiven Teylorun sözlərinə görə, yeniləmənin vaxtında paylanması ilə bağlı problemlərin əsas səbəbi onların cihazlarının “Android 11”-in beta sınaqlarında iştirak etməməsi olub.O, istehsalçının qərarını heç bir şəkildə izah etməyib. Bundan əlavə, buraxılan çoxlu sayda smartfonlar da yeniləmənin yayılmasına təsir etdi, çünki tərtibatçılara yeni proqramı uyğunlaşdırmaq üçün daha çox vaxt lazım idi.
“Android 11-in buraxılışı ilə o qədər də uğur qazanmadıq və düşünürəm ki, biz bundan öyrəndik.Artıq “Nokia” smartfonları “Android 12” beta proqramına daxil edilib”, – Stiven Taylor bildirib.
Öz ifadəsinin sübutu kimi brendin rəhbəri “Nokia X20” üçün “Android 12”-nin kifayət qədər tez buraxılmasını qeyd etdi.
