Əfsanəvi «Nokia» şirkətinin sahibi “HMD Global” şirkəti sözügedən markanın klassik modellərindən birini yenidən satışa çıxarır.Yenilənmiş telefon bu ayın sonunda təqdim edilməlidir.“ICTinfo.az” “lenta.ru” saytına istinadən yazır ki,“Nokia”nın klassik xəttinə məxsus olacaq yenilik yanvarın 25-də təqdim olunacaq. “HMD Global” şirkəti tərəfindən yenidən satışa çıxarılmış ilk telefon 2017-ci ilin fevralında təqdim edilmiş “Nokia 3310” olub. Telefon 320×240 piksel təsvir ölçülü displey və 2 meqapiksellik kamera ilə təchiz edilib. Qurğu “microSD” yaddaş kartını dəstəkləyir. Daha sonra şirkət modeli yeniləyərək “4G”, “Wi-Fi” dəstəyi əlavə edib və giriş nöqtəsi kimi işləmək imkanı əlçatan olub.
