“Nokia” brendi “Nokia C300” adlı yeni modellə öz smartfonlar ailəsini genişləndirdi. Onun fərqləndirici xüsusiyyətləri böyük displey, balanslaşdırılmış aparat və klassik qulaqlıq portudur. Bundan əlavə, satıcı pərakəndə satış qiyməti 100 dollardan aşağı olan ucuz Nokia C110 modelini təqdim edib.
“Nokia C300” 1600×720 piksel təsvir ölçüsünə və 450 nit maksimum parlaqlığa malik 6,52 düymlük ekran alıb. O, 3 GB RAM və 32 GB yaddaşla təchiz edilmiş, microSD kartı ilə genişləndirilə bilən Snapdragon 662 prosessoruna əsaslanır. Yeniliyin akkumulyatorunun tutumu 4000 milliamper/saat təşkil edir. Əsas kameraya 13 meqapiksel (əsas) və 2 meqapiksellik (makro) sensorlar, həmçinin fonun bulanması üçün sahə dərinliyi sensoru daxildir. Ön kameranın təsvir ölçüsü 8 meqapikseldir.
Yenilik yan barmaq izi skaneri, 3,5 mm audio yuvası, FM radio modulları, GPS + QLONASS, Wi-Fi 802.11n və Bluetooth 5.0, həmçinin USB Type-C portu ilə təchiz edilib. Smartfon Android 12 ilə işləyir və onun qiyməti 139 dollardır.
Daha sərfəli “Nokia C110” modeli 6,3 düymlük displey (1560×720 piksel, 400 nitə qədər), MediaTek Helio P22 prosessoru ilə təchiz edilib. O, həmçinin tək 3GB/32GB yaddaş konfiqurasiyasında (microSD dəstəyi ilə) gəlir və 3000mAh batareyaya malikdir. Smartfonun əsas kamerasının təsvir ölçüsü 13 meqapiksel, ön kamerası 5 meqapikseldir. İstehsalçı cihazı 99 dollar qiymətinə qoyub.
