İsveçin Streamview şirkəti Nokia brendi altında yeni televizor təqdim edib.UNE50GV210I modeli görünüş və səsi yaxşılaşdırmaq üçün yeni texnologiyalar,eləcə də daha effektiv interfeys ilə maraqlıdır.
Nokia UNE50GV210I HDR10 və Dolby Vision standartlarını dəstəkləyən 3840×2160 piksel təsvir ölçülü 50 düymlük ekrana malikdir. Səs keyfiyyəti Dolby Digital Plus və DTS surround səsli iki 10 vatt dinamik tərəfindən təmin edilir. Televiziya interfeysləri dəstinə dörd HDMI portu (bir ARC daxil olmaqla), bir cüt USB 2.0 Type-A, Ethernet və CI+, həmçinin Wi-Fi və Bluetooth 4.2 simsiz modulları daxildir.
Yeni məhsul dördnüvəli prosessor (ARM Cortex-A55, GPU Mali 470 MP3) üzərində qurulub və 1,5 GB DDR3 RAM ilə təchiz edilib. Daxili eMMC yaddaş tutumu 8 GB-dır. İstifadə olunan proqram təminatı Chromecast funksiyasını dəstəkləyən Android TV 9 əməliyyat sistemi, Google Assistant səs köməkçisi və Google Play proqram mağazasıdır.
Nokia UNE50GV210I-nin Avropa bazarında qiyməti 390 avrodur.
