“Nokia” brendinə məxsus smartfonların istehsalı ilə məşğul olan “HMD Global” şirkəti “Nokia 8” smartfonun iyulun 31-də satışa çıxaracaq.
“Ictinfo” “ferra.ru”-ya istinadən bildirir ki, internetdə yayılmış şəkillərdən göründüyü kimi, “Nokia 8” smartfonu nazik çərçivəli və bükük ekranla təchiz ediləcək. Qurğu qara, qızıl, göy və bənövşəyi daxil olmaqla bir neçə rəngdə buraxılacaq.
Məlumata görə, yenilik 5,3 düymlük “QHD” təsvir ölçülü ekran, ikqat kamera,”Snapdragon 835″ prosessoru, 4 və ya 6 QB-lıq əməli yaddaş və 64 QB-lıq daxili yaddaş qurğusu ilə təchiz ediləcək.
“Nokia 8” Avropa qitəsində 600 avroya əldə etmək mümkün olacaq.Bundan başqa smartfonlarda Almaniyanın “Zeiss” şirkətinin kameraları olacaq.Bu məqsədlə Finlandiyanın “HMD Global” şirkəti smartfonlar sənayesində yeni çəkiliş standartlarının qurulması məqsədilə Almaniyanın “Zeiss” istehsalçısı ilə uzunmüddətli əməkdaşlıq haqqında saziş imzalayıb.
Xatırladaq ki, “Nokia” 2004-cü ildən “Zeiss” ilə əməkdaşlıq edib. 2005-ci ildə “Zeiss” optikasının quraşdırıldığı “Nokia N” seriyalı ilk telefonlar buraxılıb. Sonradan optikadan “Lumia” smartfonlarının “PureView” kamerasında istifadə olunub. Məşhur modellərdən 41 meqapikselli “Nokia 808 PureView” və eyni təsvir ölçülü “Lumia 1020” modellərini qeyd etmək olar.
