Son aylar “Google” tərəfindən “HTC” biznesinin hissəsinin satın alınacağı haqqında məlumatlar dolaşırdı.Bu gün “Google”-un 1,1 milyard dollara “HTC” şirkətinə sahib olması rəsmi şəkildə elan edildi.
Bununla bütün istehsal sahələri, “HTC” şirkətinin “Pixel” smartfonunun yeni versiyası üzərində çalışan iki minə yaxın əməkdaşı “Google”da işini davam etdirəcək və Tayvan şirkətinin “HTC” markasının adı saxlanacaq.Bundan başqa, şirkət diqqətini virtual reallıq istiqamətinin və “HTC Vive” kaskasının inkişafına yönəldəcək. Tərəflər saziş maliyyə tənzimləyiciləri tərəfindən təsdiq olunduqdan sonra onu 2018-ci ilin əvvəlində tamamlamağı planlaşdırırlar.
Qeyd edək ki, “HTC” şirkəti “Google” ilə “Nexus” və “Pixel” qurğularının istehsalı üzrə uzun müddətdir tərəfdaşlıq edir. Analitiklərin qiymətləndirməsinə görə, “Pixel” smartfonlarının “HTC” smartfonlarının satışında payı 20 faizə bərabərdir. Oktyabrın 4-də ABŞ korporasiyası “Made by Google” ailəsindən olan yeni qurğular nəslinin, o cümlədən “Pixel” smartfonunun yeni versiyasının təqdimatını planlaşdırır.
