“Motorola” şirkətinin istehsalı olan “Moto G200” qabaqcıl smartfonunun təqdimatı olub. Paralel olaraq, marka 200 avrodan bir qədər ucuz model təqdim etdi, lakin tədbirin ən yaxşı təklifi, əlbəttə ki, qabaqcıl üçün kifayət qədər aşağı qiymətə malik olan “Snapdragon 888+” əsasında yeni məhsul oldu.
Yenilik bu günə qədər ən məhsuldar “Snapdragon” çipsetini alıb. Mobil platformanın noyabrın sonunda təqdim olunacaq yeni versiyası yolda olsa da, hazırda bazarda daha güclü çiplər yoxdur. Eyni zamanda, smartfon nisbətən ucuzdur – bəzi bazarlarda “Moto G200 5G” müştərilərə 450 avroya başa gələcək ki, bu da “Samsung” kimi şirkətlərin analoji aparat üzrə flaqmanları ilə müqayisə olunmayacaq dərəcədə ucuzdur.
Əvvəlki model “Moto G100” ilə müqayisədə yeni variant sələfi ilə müqayisədə 144 Hz – 90 Hz ekran yeniləmə tezliyi ilə daha yaxşı 6,8 düymlük LCD displeyə malikdir. Oyun smartfonları bazarından kənarda çox az cihaz belə bir tezliklə öyünə bilər. Bundan əlavə, displeyin təbii spektrdəki rənglərin əksəriyyətini əhatə edən HDR10 texnologiyasını və DCI-P3 rəng məkanını dəstəklədiyi məlumdur.
Çipset 8 GB “sürətli” LPDDR5 RAM və 128/256 GB UFS 3.1 ROM ilə tamamlanır və Ready For funksiyası “PC rejimində” istifadə üçün smartfonu demək olar ki, istənilən monitor və ya televizora qoşmağa imkan verir.
Əvvəlki modellə müqayisədə digər təkmilləşdirmə doqquz pikselli birləşmə rejimindən istifadə edərkən effektiv piksel ölçüsü 2,1 mikron olan 108 meqapiksellik kamera sensorunun istifadəsidir. Video çəkiliş 8K rejimində mümkündür (həmçinin yavaş hərəkət rejimində 960 FPS kadr tezliyi). Əsas kamera ilə yanaşı, 13 meqapiksellik ultra geniş bucaqlı kamera (makrokamera kimi istifadə oluna bilər), həmçinin dərinlik sensoru da var. Selfie modulu 16 meqapiksellik sensordan istifadə edir.
Smartfon 33 Vt-a qədər sürətli şarjı dəstəkləyən 5000 mAh batareya ilə təchiz olunub. Motorola şirkətinin fikrincə, 15 dəqiqəlik enerji doldurmaq smartfonun tam gün işləməsi üçün kifayət edəcək. IP52 standartına uyğun olaraq suya qarşı “əsas” qorunma təmin edilmişdir.
Qabaqcıl modeli “Moto G200 5G” önümüzdəki həftələrdə Avropada görünəcək, digər bölgələrdə satışlar daha sonra elan ediləcək.
