ABŞ-ın Montana ştatının qubernatoru Çinə məxsus «TikTok» xidmətini qadağan edən qanunu imzalayıb. Bu,öz ərazisində məşhur sosial şəbəkəni tamamilə qadağan edən ilk ABŞ ştatıdır.Xüsusilə, əyalət daxilində «Google» və «Apple»-dan «TikTok» istifadəçiləri üçün hələlik heç bir qadağa olmasa da,onlardan müvafiq tətbiqi öz bazarlarında nümayiş etdirməmələri tələb olunacaq. Qadağa 2024-cü il yanvarın 1-dən qüvvəyə minəcək və şirkət özü hələ bu xəbəri şərh etməsə də, «TikTok» tərəfindən məhkəmədə etiraz ediləcəyi ehtimal edilir.
«TikTok» daha əvvəl yeni qanunun ABŞ Konstitusiyasına edilən Birinci Düzəlişi pozduğunu və şirkətin Montana və onun hüdudlarından kənarda istifadəçilərin hüquqlarını qorumaq üçün işləməyə davam edəcəyini bildirən bir bəyanat yaymışdı. Qeyd edək ki, ABŞ-da sosial şəbəkə istifadəçilərinin sayı əhalinin demək olar ki, yarısını — təxminən 150 milyon nəfəri təşkil edir. Əsasən buna görə yerli siyasətçilər bütün ölkədə belə bir “təsir rıçağını” qadağan etməyə çağırırlar.
Tətbiqin yeniyetmələr arasında olduqca populyar olduğu bilinir. Belə ki, Pew Araşdırma Mərkəzinin məlumatına görə, 13-17 yaşlı amerikalı yeniyetmələrin 67%-i «TikTok»-dan, 16%-i isə demək olar ki, daimi istifadə edir. Bununla belə,»TikTok» özü, istifadəçilərin böyük əksəriyyəti 18 yaşdan yuxarı olduğun söyləyir.
Bununla belə,artıq «TikTok» ABŞ dövlət işçilərinin rəsmi cihazlarında qadağan edilib. Bundan əlavə, sosial şəbəkə amerikalıların məlumatlarının Amerikanın Oracle şirkəti tərəfindən idarə olunacaq ABŞ-dakı serverlərdə saxlanacağı Project Texas təşəbbüsü üzərində işləyir.
