“Samsung” “Galaxy Note 8″ smartfonunun təqdim etdi.”Samsung Galaxy Note 8” smartfonu əvvəlki modellərlə müqayisədə daha təkmil və zəngin multimedia imkanları ilə təchiz edilib.
“Ictinfo.az” “4pda.ru”-ya istinadən bildirir ki,Nyu Yorkda keçirilən təqdimatda smartfonun bütün parametrləri açıqlanıb.”Samsung Galaxy Note 8″ əvvəlki modellə müqayisədə daha böyük ekranla (6,3 düym diaqonallı), eləcə də tərəflərinin nisbəti 18.5:9 ölçülü “Quad HD+” (2960 x 1440 piksel) təsvir ölçüsünə malik “Infinity Display” ekranla təchiz edilib. Ön panelin aşağı hissəsindəki kiçik çərçivələr səbəbilə barmaq izi skanı, smartfonun arxa panelindəki kameranın yanına yerləşdirilib. Qeyd etmək lazımdır ki, barmaq izi skanına alternativ kimi “Galaxy Note 8” həmçinin göz qişası skanı özəlliyinə də sahibdir.Qurğunun əsasını “Qualcomm Snapdragon 835” və ya “Exynos 8895” prosessor, 6 giqabaytlıq operativ və 256 giqabaytadək quraşdırılmış yaddaş təşkil edir.
Smartfonun əsas xüsusiyyəti ikili kamera olub. Hər iki modul 12 meqapiksel təsvir ölçüsünə, onlardan biri “Dual Pixel” texnologiyasına, “f1.7”, digəri isə “f2.4” linzasına malikdir.Daha bir maraqlı funksiya isə nəyisə yazıb daha sonra onu GIF animasiya şəklində göndərməkdir.
Qurğunun kamerası 12 meqapikselli enlibucaqlı modula və 13 meqapikselli telefoto moduluna malik olmaqla birlikdə üçqat optik zummeri təmin edir. Qeyd edək ki, “iPhone 7 Plus” modeli də analoji konstruksiyaya malikdir. Bundan əlavə, akkumulyator tutumu 3300 milliamper/saata bərabər olacaq smartfon “Android 7.1.1 Nougat” əməliyyat sisteminin idarəetməsi ilə işləyəcək.
“Galaxy Note 8” modeli “Samsung” şirkətinin ən bahalı smartfonu hesab edilir.15 Sentyabr tarixindən satışa çıxacaq smartfon 1180 dollara satılacaq.
