“Microsoft” istifadəçilər qruplarına “Game Pass Ultimate”-ə daxil olmağa imkan verəcək “Xbox Game Pass” ailə paketini sınaqdan keçirməyə başladı.Ailə paketi hazırda Kolumbiya və İrlandiyada “Xbox Insider” üzvləri üçün əlçatandır.İnsayderlər ailə paketini satın ala və ona eyni ölkədən dörd nəfərə qədər adam əlavə edə, bununla da abunəliyin bütün üstünlüklərini paylaşa biləcəklər.
“Bu gündən etibarən Kolumbiya və İrlandiyada Xbox İnsiderləri Game Pass Ultimate-in üstünlüklərini bir çox insanla paylaşmağa imkan verən önizləmə paketindən istifadə etməyə başlaya bilər. Bu, hər birinin Xbox Game Pass Ultimate oyunlarına özünəməxsus çıxışı olan dörd nəfərə qədər abunəliyinizə əlavə etməyə imkan verməklə, dostlarınız və ailənizlə konsol, kompüter və buludda ən yaxşı Game Pass oyunlarından istifadə etməyi asanlaşdıracaq.” Microsoft nümayəndəsi Tayler Mittleider bildirib.
Kolumbiya və İrlandiyadakı Xbox Insider üzvləri Microsoft Mağazası vasitəsilə ailə paketinin ön baxış üçün qeydiyyatdan keçə bilərlər. İrlandiyada yeni paket ayda 21,99 avroya başa gəlir. Abunə olduqdan sonra istifadəçi digər insanları paketə qoşulmaq üçün dəvətlər göndərmək və ya dostları və ailə üzvləri ilə paylaşıla bilən bağlantılar yaratmaq üçün “Microsoft” hesabı səhifəsinə keçə bilər.
