Şirkət “Windows 11″ əməliyyat sistemi üçün tamamilə yenidən dizayn edilmiş multimedia pleyerinin buraxıldığını elan edib.”ICTinfo.az” “4Pda.ru” resursuna isstinadən bildirir ki,”Windows Insider” proqramının üzvləri artıq yeni tətbiqi sınaqdan keçirə bilərlər və gələcək yeniləmədə “Windows Media Player” və “Groove Music”-ə alternativ mövcud olacaq.
Tətbiq, klassik sələfi kimi, audio və video faylları istifadəsinə imkan verir. Tərtibatçılar “Media Player” interfeysini “Windows 11” əməliyyat sisteminin vahid üslubuna uyğunlaşdırıblar.Proqram şirkətin iki məhsulunu birdən əvəz etmək üçün nəzərdə tutulub: “Groove Music” və “Windows Media Player”.
Yeni standart pleyerin interfeysi tam ekran rejimində də daxil olmaqla albom şəklini göstərə bilər. Bundan əlavə, istifadəçilərin müəyyən məzmun növlərinə baxmaq üçün artıq ayrıca Filmlər və TV proqramını işə salmağa ehtiyac yoxdur. Eyni zamanda, tərtibatçılar isti düymələrin siyahısını yenidən nəzərdən keçirdilər, həmçinin istifadəçi kitabxanasının avtomatlaşdırılması üzərində çox iş gördülər.
İndi “Windows Insider” proqramının bütün üzvləri rəsmi “Microsoft” saytında qeydiyyatdan keçərək “Media Player”-in imkanlarını və dizaynını qiymətləndirə bilərlər. Şirkət hələlik tətbiqin stabil versiyasının dəqiq buraxılış tarixini açıqlamayıb.
