Bu ilin sentyabrında «Microsoft Office» proqramları üçün yeni defolt mövzunu ictimaiyyətə açıq edəcək. Buraya yeni rəng sxemləri, üslublar və konturlar daxildir. Bundan əlavə, proqram nəhənginin keçən ay elan etdiyi kimi, şirkətin ofis məhsullarında standart şrift Aptos olaraq dəyişdiriləcək.
«Microsoft» 2007-ci ildən bəri ilk dəfə olaraq ofis proqramında standart şrifti dəyişir. Bu dəyişiklik «Word», «Outlook», «Excel» və «PowerPoint» kimi proqramlara aiddir. Keçmişdə Aptos Bierstadt kimi tanınırdı və 2021-ci ildə Calibri-ni əvəz etmək üçün təklif olunan beş namizəd arasından seçildi. Şirkət hesab edir ki, bu, sənədlərdə istifadə olunan üslub və standart rəng palitrası ilə bağlı digər dəyişikliklərlə daha yaxşı birləşdiriləcək.
Yeni standart mövzuya gəldikdə, o, sənədlərin kontrastını və oxunuşunu yaxşılaşdırmalıdır. Burada ən nəzərə çarpan dəyişiklik sarıdan tünd yaşıl rəngə, açıq mavi rənglərdən biri isə tünd firuzəyə çevrilməsidir. Bu, Microsoft Office paket proqramlarında mövcud olan formalar və xətlər arasındakı kontrastı artırmalıdır.
«Microsoft» sözçüsü bildirib ki, Word və Outlook-da üslublar da «sənədlərin oxunmasını asanlaşdırmaq və onlara daha peşəkar görünüş vermək» üçün yenilənəcək. Məsələn, başlıqlar daha böyük və qalın şriftdən istifadə edəcək və paraqraflar arasındakı məsafə artacaq.
«Microsoft» bu ilin iyul ayında Microsoft 365 Insider proqramının bir hissəsi olaraq bu dəyişiklikləri sınaqdan keçirməyə başladı. İndi proqram nəhəngi yeni mövzunun və standart şriftin sentyabr ayında bütün «Microsoft 365» istifadəçilərinə təqdim ediləcəyini açıqlasa da, dəqiq tarix açıqlanmayıb.
